Investigadores/as de HISTAGRA forman parte do CISPAC
Investigadores/as de HISTAGRA formarán parte do Centro de Investigación Interuniversitario das Paisaxes Atlánticas Culturais (CISPAC)
@s investigador@s Stefania Barca, Carlos Benítez Trinidad, Ana Cabana Iglesia, Miguel Cabo Villaverde, Daniel Lanero Táboas, Antonio Miguez Macho, Eduardo Rico Boquete e Lourenzo Fernández Prieto que amais é o Director-Comisario, formarán parte do CISPAC nos próximos anos como investigadores e investigadoras.
A misión do CISPAC é a investigación sobre as paisaxes desde unha perspectiva transdisciplinar, na procura de dar respostas epistémicas aos retos contemporáneos, para producir dende o coñecemento outra forma de ollar e traballar a paisaxe, o patrimonio e a produción, dende a identidade, a participación e sustentabilidade. Organizándose ao redor de grandes campos de investigación que atenden a preguntas e que se desenvolverán a través de proxectos, baixo á vocación da transdisciplinariedade. Un centro de investigación deseñado para crear novo coñecemento dende unha destacada aposta polo capital humano, a transferencia social do coñecemento e a prestación de servizos.
https://cispac.gal/
A presenza de oito membros do Grupo HISTAGRA no Centro supón un paso máis na consolidación da investigación que levamos desenvolvendo desde 2006 cando o SUG nos catalogou como Grupo de Referencia Competitiva. entre tod@s, acumulan decenas de publicacións e varios proxectos de I+D e convenios, así como teses de doutorado demais traballos académicos dirixidos.