Histagra recibe a doazón de materiais do investigador Plácido Carro Lamas

 

O próximo dia 14 de outubro ás 12 d amaña na Sala de Profesores da Facultade de Xeografía e Historia, nun acto presidido polo Decano Antonio Miguez Macho, o investigador Plácido Carro lamas, biógrafo do Militar Antonio Azarola Gresilló, contraalmirante en 1936 e asasinado pola violencia golpista no verán dese ano, cederá ao Grupo HISTAGRA a documentación utilizada para realizar o traballo que recentemente foi publicado baixo o título, Contraalmirante Azarola, un hombre de honor.

 

O material, que será depositado no CISPAC, está composto por libros de época, fotografias, e diversos documentos que narran a vida pública e privada do militar Azarola, desde os seus inicios no estamento militar até o seu asasinato en Ferrol en agosto de 1936.

 

Datos:

 

Data: 14 de outubro de 2025

Hora: 12:00 h

Lugar: Sala de profesores da facultade de Xeografía e Historia

 

Máis información:

histagra@usc.es