HISTAGRA colabora na resignificación da antiga Prisión Habilitada e Prisión Central de santa Isabel en Compostela

 

O Grupo HISTAGRA forma parte e impulsou a iniciativa de resignificación da antigra prisión de Santa Isabel, en Santiago de Compostela. 

O próximo martes día 3 de decembro as 17:00 terá lugar a inauguración dun fito no solar que ocupou a prisión Central de Santa Isabel, na zona do antigo cuartel en Galeras. 

Lembremos que entre 1939 e 1946 funcionou como Prisión Habilitada e Prisión Central, por onde pasaron  miles de presos da Ditadura franquista de diferentes procedencias. Fora construído no século XVIII e na actualidade é un complexo deportivo.

 

O uso como prisión comezou a fins de 1939 e prolongouse até 1946. Nese periodo de tempo foi, xunto á de Celanova, a maior de Galicia: en 1943 había 1.595 presos políticos e no ano do seu peche  quedaban 907.

 

Histagra participou no proceso que levou a resignificar este espazo como Lugar de Memoria Democrática, asi como no deseño do panel que se vai colocar, en conxunto coa Plataforma de Galeras, principal impulsora do acto. O investigador de HISTAGRA-CISPAC, Antonio Miguez, participará represnetando ao proxecto no acto.

 

Desenvolvemento do acto:

 

ACTO DE DESCUBRIMENTO DA PLACA EN MEMORIA DAS MILES DE PERSOAS PRESAS,VÍTIMAS DA VIOLENCIA FRANQUISTA, QUE PASARON POLO CÁRCERE-CUARTEL DE SANTA ISABEL HABILITADO COMO PRISIÓN ENTRE 1939 E 1946.

Orde de intervencións:

•     Míriam Louzao Fernández, Concelleira de Capital Cultural, Turismo, Educación e Memoria Histórica.

 

•     Antonio Miguez, Profesor investigador de HISTAGRA-CISPAC e actual decano da Facultade de Xeografía e Historia

 

•     José Manuel González Iglesias, presidente da AVV Plataforma de Galeras

 

•     Goretti Sanmartín Rei, alcaldesa de Santiago

 

 

Máis información:

plataformadegaleras@gmail.com